Düzgün CV necə tərtib edilməlidir?

İşəgötürənin diqqətini cəlb etmək istəyirsinizsə, CV-nizi düzgün tərtib etməkdən başlamalısınız. Yəqin ki, bu və bu kimi cümlələri çox eşitmisiniz. Bəs “düzgün CV” nə deməkdir?

Beynəlxalq praktikada bu barədə çoxlu tövsiyələr və bir növ, “şərtlər” var. Məsələn, CV hazırlayarkən diskriminasiyaya yol verməmək məqsədilə yaş, cins, milliyyət, din və s. məsələlər CV-də qeyd olunmamalıdır. Bəs yerli təcrübədə də bu belədirmi? Əlbəttə ki, yox. Məsələn, CV-də təvəllüdünüzü qeyd etməsəniz, əmin olun ki, digər məqamlar uyğun gəlirsə, müsahibəyə dəvət olunmadan öncə sizinlə əlaqə saxlanılıb təvəllüdünüz soruşulacaq. Yəni, bütün məsələlərdə olduğu kimi, bir sıra beynəlxalq standartlar tətbiq olunsa da, yerli əhəmiyyət daşıyan məqamlar hər zaman olacaqdır.

CV yazarkən və göndərərkən nələrə diqqət etməlisiniz?

• CV sadə, oxunaqlı və professional məlumatların əks olunduğu sənəd olmalıdır. CV-də vərəqlərin çoxluğu çox da əhəmiyyət daşımır, əsas tələb müraciət edilən vakansiya elanına uyğunluqdur.
• Ciddi formada çəkilmiş şəkliniz varsa, CV-yə əlavə edə bilərsiniz, amma əlavə etməsəniz də “xarici görünüş” tələb edən vakansiyalar xaric, digər vakansiyalarda şəkil çox əhəmiyyət daşımır.
• “Maraqlar” hissəsini yazarkən diqqətli olun. Hər yazdığınız qeyd müsahibədə əlavə sual mənbəyidir. Məsələn, kitab oxumağı sevirəm yazıb, oxuduğunuz kitablar barədə suallar verildikdə çətinlik çəkəcəksinizsə, bunu CV-yə yazıb müsahibədə əks-təəssürat yaratmayın.
• CV tərtib edərkən onun qrammatik cəhətdən səhvsiz yazıldığına, istifadə edilən şriftlərin və ölçülərin bütün sənəd boyu eyni və səliqəli olduğuna, o cümlədən qeyd etdiyiniz tarixlərin doğruluğuna diqqət edin.
• Heç bir halda yanlış məlumat yazmayın.
• Qeyri-ciddi e-mail ünvanlarını CV-də qeyd etməyin. Bu, sizin qeyri-ciddi və ya qeyri-peşəkar insan olduğunuz barədə təəssürat yaradar. Yaxşı olar ki, e-mail ünvanı açarkən ad-soyad istifadə edilsin.
• Əgər təcrübəniz yoxdur və ya azdırsa, təhsil üzərində məlumatlara fokuslanın. Yox əgər kifayət qədər təcrübəniz varsa, məsələn, iştirak etdiyiniz 20 ədəd kursun adını yazmamaq da olar, əgər onlar işləmək istədiyiniz vəzifə (peşə) ilə birbaşa əlaqəli deyilsə və yaxud uzun müddət əvvəl olub və hazırda o mövzu aktual deyilsə.
• Əlaqə vasitələriniz (telefon, e-mail ünvanı) aktiv və özünüz tərəfindən istifadə olunan olmalıdır.
• Təhsil və təcrübə ilə bağlı məlumatlarda ardıcıllıq təmin olunmalıdır (adətən sonuncudan başlayaraq yazılır).

CV göndərərkən elektron poçtunuzda “mövzu” hissəsində müraciət etdiyiniz vakansiyanın adını yazmağı unutmayın. Hər gördüyünüz vakansiya üzrə müraciət edib seçilməyərək məyus olmaq əvəzinə, işə qəbul üçün müraciət etdiyiniz vakansiyaların tələblərini diqqətlə oxuyun. Əgər yazılan tələblərə uyğun deyilsinizsə (xüsusən təhsil və təcrübə baxımından), çatışmayan tərə ::contentReference[oaicite:3]{index=3}