Böyük Britaniyanın Qloster şəhərindəki keçmiş univermağın yerində qazıntılar zamanı 317 skelet aşkar edilib.
Publika.az xəbər verir ki, bu barədə "Popular Mechanics" jurnalı məlumat yayıb.
Qalıqlar hazırda yerli universitet şəhərciyinin tikildiyi keçmiş Debenhams univermağının yerində aşkar edilib. Skeletlər son orta əsrlərə aiddir. Bundan əvvəl ərazidə Qədim Romaya aid 83 dəfn tapılmışdı.
Qazıntı direktoru Kliff Beytmanın sözlərinə görə, Qloster arxeoloqlar üçün inanılmaz dərəcədə əhəmiyyətli bir yerdir, çünki orada hər zaman kəşflər edilir.
Skeletlərdən başqa, qazıntılar zamanı müxtəlif əşyalar, o cümlədən tütün borusu və şərab şüşəsinin parçaları aşkar edilib.
Hüseyn İbadlı
