Hüquqi təhlil və korporativ işlər üzrə hüquqşünas

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə ABB komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər. 

“ABB” ASC-nin komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• beynəlxalq standartları yerli bazara gətirən qurumda potensialınızı reallaşdırmaq şansı;
• rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• peşəkar kollektivdə çalışmağın üstünlüyü;
• yüksək komanda ruhunda əməkdaşlıq;
• karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması; 
• əməkdaşların yeni trendlərə uyğun təşkil olunan daxili və xarici təlimlərdə iştirak;  
• əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

• Şöbənin fəaliyyət istiqamətləri üzrə hüquqi məsələlərə dair hüquqi araşdırma aparmaq və hüquqi rəylər hazırlamaq;
• Bank fəaliyyətinin inkişafı və səmərəli təşkili məqsədilə yaradılan yeni məhsulların (xidmətlərin) və layihələrin hüquqi ekspertizasını həyata keçirmək;
• Şöbənin fəaliyyəti, o cümlədən korporativ hüquqi məsələlər üzrə sənədlərin layihələrini hazırlamaq, bütün zəruri işləri görmək;
• Bankların fəaliyyəti ilə bağlı qanunvericilikdə olan yeniliklərin və dəyişikliklərin monitorinqini aparmaq;
• Öz fəaliyyəti ilə şöbənin işinin təkmilləşdirilməsinə dəstək göstərmək;
• Bankın fəaliyyətinə dair struktur bölmələrdən daxil olan, o cümlədən bank əməliyyatlarının həyata keçirilməsinə dair hüquqi araşdırma tələb edən sorğularla bağlı hüquqi rəylər vermək.

Bizim üçün uyğun namizəd:

• Ali hüquq təhsilli;
• İş təcrübəsi 1 ilədək;
• Analitik düşünmə və təhlil qabiliyyəti olan;
• Dil bilikləri: Azərbaycan dili - əla, İngilis dili – orta, Rus dili – orta;
• MS Office (əsasən MS Word və MS PowerPoint) proqramlarında sərbəst işləmək bacarığına sahib olan şəxsdir.

Əgər axtardığımız namizəd sizsinizsə link-ə keçərək vakansiya üzrə müraciət edə bilərsiniz.

Nəzərinizə çatdırmaq istərdik ki, müsahibələrə yalnız göstərilən kriteriyalara cavab verən şəxslər cəlb ediləcək.