Böyük mütəxəssis

Struktur şöbənin adı: Kapital bazarı fəaliyyətinə nəzarət departamenti, Lisenziyalaşdırma və qeydiyyat şöbəsi
Vəzifənin adı: Böyük  mütəxəssis
Vəzifənin funksiyaları:

• İnvestisiya qiymətli kağızlarının (səhm və korporativ istiqrazların) dövlət qeydiyyatına alınması və dövriyyədən çıxarılması ilə bağlı müraciətlərə baxır; 
• Səhmlərin birləşdirilməsi, xırdalanması, onların nominal dəyərinin artırılması zamanı səhmlərin emissiyasının dövlət qeydiyyatına alınması ilə bağlı müraciətlərə baxır;
• Hüquqi şəxslərin yenidən təşkili zamanı investisiya qiymətli kağızlarının, dövlət və bələdiyyə istiqrazlarının, Mərkəzi Bankın notlarının, daşınmaz əmlak sertifikatlarının dövlət qeydiyyatına alınması ilə bağlı müraciətlərə baxır;
• İnvestisiya qiymətli kağızlarının Azərbaycan Respublikası ərazisindən kənarda buraxılışı və yerləşdirilməsinin, ipoteka və girov kağızlarının dövlət qeydiyyatına alınması ilə bağlı müraciətlərə baxır;
• Veksellərin dövlət reyestrində qeydiyyata alınması ilə bağlı müraciətlərə baxır;  
• Emissiya prospektləri və informasiya memorandumlarının qanunvericiliyə uyğun tərtib olunmasını təhlil edir və nəticəsi barədə arayış tərtib edir;
• Paylı investisiya fondunun idarə edilməsi qaydalarının dövlət qeydiyyatına alınması ilə bağlı müraciətlərə baxır;
• İnvestisiya qiymətli kağızlarının emissiyasının dayandırılması, baş tutmamış hesab edilməsi ilə bağlı müvafiq tədbirlər görür;
• Qiymətli kağızların dövlət qeydiyyatı, lisenziyalaşdırma və icazələrin verilməsi sahəsində normativ hüquqi və normativ xarakterli aktlara zəruri dəyişikliklərin edilməsi barədə təkliflər hazırlayır; 
• Kapital bazarları sahəsində attestasiyaların təşkili və keçirilməsi ilə bağlı işləri icra edir;
• Əlaqədar struktur şöbələrin təqdimatları əsasında kapital bazarları sahəsində Mərkəzi Bank tərəfindən verilmiş lisenziya və icazələrin qüvvəsinin dayandırılması, məhdudlaşdırılması və ləğv edilməsi ilə bağlı zəruri tədbirlər görür;
• Şöbənin fəaliyyət istiqamətləri üzrə beynəlxalq təcrübəni öyrənir, araşdırmalar aparır və təkliflər hazırlayır;

Təcrübə

• Maliyyə sahəsində ən azı 3 illik iş təcrübəsi

Təhsil

• Maliyyə - ali təhsil
• İqtisadiyyat - ali təhsil

Dil bilikləri

• Azərbaycan dili - əla səviyyədə
• İngilis dili - yaxşı səviyyədə

Kompüter bacarıqları

• MS Office proqramları – yaxşı səviyyədə

Texniki biliklər

• Azərbaycan Respublikasının Mərkəzi Bankı haqqında qanun – yaxşı səviyyədə 
• Qiymətli kağızlar haqqında qanun – yaxşı səviyyədə
• Mülki Məcəllənin 4-cü və 54-cü fəsilləri – yaxşı səviyyədə
• Qiymətli kağızlar bazarının tənzimlənməsi üzrə normativ baza – yaxşı səviyyədə
• İnvestisiya fondları haqqında qanun – yaxşı səviyyədə
• Ümumi iqtisadiyyat – yaxşı səviyyədə
• Kapital bazarı sahəsində biliklər – yaxşı səviyyədə
• Maliyyə sistemi, maliyyə bazarları və alətləri – yaxşı səviyyədə

Davranış kompetensiyaları

• Təşəbbüskarlıq, təkmilləşməyə meyllilik, məsuliyyətlilik, stressə davamlılıq
• Ünsiyyətqurma və komandada işləmə
• Vaxtın idarə edilməsi

Son müraciət tarixi: 03.09.2024