Maliyyə xidmətləri
Maliyyə texnologiyaları və innovasiyalar departamenti, Maliyyə texnologiyaların təhlili və inkişafı şöbəsi – Aparıcı mütəxəssis
Əsas vəzifə funksiyaları:
- Departamentin əməliyyat planına müvafiq olaraq şöbənin vəzifələrinə dair hədəflərin yerinə yetirilməsində iştirak edir
- Maliyyə texnologiyalarının və innovasiyaların tətbiqi üzrə bazar araşdırmasını aparır, texnoloji həlləri təhlil edir və tətbiq üçün təkliflər hazırlayır
- Tətbiq olunması tələb olunan sistemlər və təşəbbüslər ilə bağlı aidiyyəti struktur bölmə və icraçı şirkət ilə birlikdə texniki şərtlərin hazırlanmasında iştirak edir
- Yaradılan sistemlərin normativ–metodoloji bazasının hazırlanması və təkmilləşdirilməsində iştirak edir
- Maliyyə bazarlarında maliyyə texnologiyalarının və innovasiyaların yaradılması, pilot rejimində yoxlanılması və tətbiqində iştirak edir, həmçinin bu istiqamətdə fəaliyyəti əlaqələndirir
- Maliyyə bazarlarında maliyyə texnologiyaları üzrə tətbiq edilən informasiya sistemlərinin və rəqəmsal həllərin layihələndirilməsində, yaradılmasında, sınaqdan keçirilməsində, qarşılıqlı inteqrasiyasında, istismara verilməsində və davamlı modernizasiyasında iştirak edir
- İnformasiya texnologiyaları departamentinin proqramlaşdırma üzrə məsul şöbəsi ilə birgə maliyyə bazarlarında maliyyə texnologiyalarının inkişafı istiqamətində avtomatlaşdırılacaq sahələri müəyyən edir və müvafiq layihələrin realizasiyasında dəstək olur
- Maliyyə bazarlarında tənzimləyici tələblərə riayət olunması üzrə həyata keçirilən proseslərin effektivliyinin artırılması (RegTech) məqsədilə istifadə olunan texnologiyaların tətbiqi istiqamətində təhlillər apararaq yerli və xarici təcrübəni araşdırır və maliyyə sektoru üçün müvafiq alətlərin hazırlanmasını təmin edir.
- Maliyyə texnologiyalarının və innovasiyaların tətbiqi ilə bağlı daxil olan rəy və təklifləri araşdırır, hüquqi və fiziki şəxslərin sorğularına cavablar hazırlayır
- Müvafiq layihələrdə iştirak edir;
- Funksional fəaliyyətə dair müvafiq hesabatların hazırlanaraq aidiyyatı üzrə təqdim edilməsi;
- Müvafiq normativ metodoloji bazasının hazırlanması və təkmilləşdirməsinin təşkilində iştirak;
- Şöbənin funksiyaları daxilində departament rəhbərliyinin digər tapşırıqlarını yerinə yetirilməsi.
Tələb olunan bilik və bacarıqlar:
- Təqdimat və yazı bacarığı
- İT sahəsində texnoloji və idarəetmə standartlar üzrə biliklər
- Aidiyyəti sahə üzrə qanunvericilik bilgiləri
- Layihələrin idarəolunması
- Analitik təhlil etmə
- Təşkilatçılıq və planlaşdırma
- Ünsiyyətqurma bacarığı
- Analitik düşünmə bacarığı
- Araşdırma aparma
- Vaxtın idarəedilməsi bacarığı
- Qərar qəbul etmə bacarığı;
Digər tələblər:
- Dil bacarıqları - Azərbaycan dili - yüksək səviyyədə / İngilis dili - yaxşı səviyyədə
- Təcrübə - Müvafiq sahədə 3 il təcrübə tələb edilir
- Təhsil - İT, Tətbiqi riyaziyyat, İdarəetmə, İqtisadiyyat istiqamətləri üzrə ali təhsil
- Kompüter bacarıqları - MS Office yüksək səviyyədə, MS Project orta səviyyədə, biznes proses analizi və modelləşdirmə alətləri bilikləri
- Sertifikatlar - PMI-ACP, PSPO, PSM, PAL və bənzər tələb olunur.