İnsan resursları üzrə mütəxəssis

Struktur bölməsi: İnsan resursları departamenti
Bilavasitə tabe olduğu şəxs: İnsan resursları departamentinin  müdiri

Əmək funksiyası:

• Əmək və xidmət müqavilələrini hazırlamaq və imzalanmasını təmin etmək, əmək müqaviləsi bildirişlərini elektron informasiya sisteminə, kadrlar barədə məlumatları müvafiq elektron sistemə  daxil etmək;
• Qanunvericiliyə müvafiq qaydada işçilərin işə qəbulu, başqa vəzifəyə keçirilməsi, mükafatlandırılması, intizam tənbehinin verilməsi və işdən azad edilmələrini rəsmiləşdirmək, habelə müvafiq  aktların tərtib edilməsini  həyata keçirmək;
• Təsdiqlənmiş kadr əmrlərinin qeydiyyatını aparmaq, işçilərin şəxsi işlərini (işçilərə aid kadr sənədlərini) formalaşdırmaq;
• Əmək kitabçalarının qəbulu (açılması), doldurulması, saxlanılması və əmək stajının hesablanmasını həyata keçirmək, işçilərə əmək fəaliyyətinə dair arayış və xasiyyətnamələr hazırlamaq;
• İşçilərin sığortalanmasını təşkil etmək və sığorta müddətinin axınına nəzarət etmək, habelə qanunvericiliklə müəyyən olunmuş müddətdə işçilərə sosial sığorta kartının  açılması üçün zəruri tədbirlər görmək;
• Məzuniyyətləri və ezamiyyələri rəsmiləşdirmək və siyahıya almaq;
• Universitetin təşkilati struktur və ştat cədvəlinin layihəsini hazırlamaq;
• Hesabatları və statistik məlumatları hazırlamaq;
• İşçilərin aylıq işə davamiyyət (tabel) cədvəllərini toplamaq, yoxlamaq və orada qeyd olunan məlumatların müvafiq elektron proqramlara daxil  etmək;
• Yeni təyinatlar, vəzifə dəyişiklikləri, qeyri-iş günləri, qısaldılmış iş vaxtları, bayram və işçilərin ad günü təbrikləri, digər zəruri bildirişlər ilə bağlı  e-mail məktublar göndərmək;
• Azərbaycan Respublikasının qüvvədə olan qanunvericiliyinə, universitetin Nizamnaməsinə, təsisçilərin Ümumi Yığıncağının və Elmi Şuranın  qərarlarına, rektorun əmr və göstərişlərinə əməl etmək;
• Öz səlahiyyətləri çərçivəsində rəhbərlik tərəfindən verilən digər tapşırıqları yerinə yetirmək.

Bilməlidir:

• Azərbaycan Respublikasının əmək qanunvericiliyini; 
• Kadr işinin təşkilini, kargüzarlığın aparılmasını;
• İnsan resurslarına aid elektron  proqramlardan istifadə qaydalarını;
• Əməyin mühafizəsi, təhlükəsizlik texnikasının norma və qaydalarını.

Məsuliyyət:

• Əmək funksiyasının icrasına səhlənkar yanaşdığına və vaxtında yerinə  yetirilməməsinə görə;
• Mövcud hüquqi aktlar əsasında və öz vəzifə təlimatında nəzərdə tutulmuş əmək funksiyasının yerinə yetirmədiyinə;
• Universitetin maraqlarının, universitetdə konfidensial hesab edilən  məlumatların qorunmamasına görə;

Vəzifə tələbləri:

• Təhsil pilləsi (minimum): Bakalavr
• İxtisası: Fərq qoyulmur
• İş təcrübəsi (minimum): Kargüzarlıq sahəsində 3 (üç) ildən az olmayaraq  əmək stajı
• Dil bilikləri: Azərbaycan;  rus və  ingilis dili (arzuolunandır)
• Kompüter bilikləri: MS ofis proqramları, “1C”