Hüquq Departamentinin Rəhbəri
30 illik fəaliyyət təcrübəsinə malik olan, hüquq, maliyyə, HR və idarəetmə sahələrində ixtisaslaşmış konsalting və autsorsinq şirkətimizə Hüquq Departamentinin Rəhbəri vəzifəsinə peşəkar hüquqşünas-lider axtarırıq. Bu vəzifə yalnız hüquqi biliklər deyil, eyni zamanda strateji düşüncə və idarəetmə bacarığı tələb edir.
Əsas vəzifələr:
- Hüquq departamentinin fəaliyyətinə rəhbərlik və strukturun effektiv idarə olunması;
- Müxtəlif sahələr üzrə fəaliyyət göstərən müştərilərimizə yüksək səviyyəli hüquqi məsləhətlərin təqdim olunması;
- Müştəri münasibətlərinin qurulması, təqdimatların keçirilməsi və hüquqi xidmətlərin təqdim olunması;
- Komandanın işinin təşkili və hüquq işçilərinin inkişafına töhfə verilməsi;
- Şirkət daxilində digər departamentlərlə sıx əməkdaşlıq və hüquqi dəstəyin təmin olunması.
Tələblər:
- Hüquq sahəsində azı 3 il idarəedicilik təcrübəsi;
- Konsalting və ya autsorsinq şirkətlərində iş təcrübəsi üstünlük hesab olunur;
- Güclü təqdimat bacarığı və yüksək səviyyədə yazılı və şifahi ünsiyyət qabiliyyəti;
- Komandanı idarə etmək, prosesləri planlaşdırmaq və optimallaşdırmaq bacarığı;
- Müştəriyönümlü yanaşma və hüquqi məsələləri biznes dili ilə izah etmək bacarığı.
Hüquq sahəsində tələb olunan peşəkar bilik və bacarıqlar:
- Mülki, vergi, əmək və kommersiya hüququ sahələrində dərin nəzəri və praktiki biliklər;
- Müqavilələrin hazırlanması, ekspertizası və danışıqların aparılması sahəsində təcrübə;
- Məhkəmə və qeyri-məhkəmə yolları ilə mübahisələrin həlli, iddia və etiraz sənədlərinin tərtibi bacarığı;
- Normativ-hüquqi aktların təhlili, hüquqi risklərin qiymətləndirilməsi və hüquqi rəylərin verilməsi;
- Korporativ hüquq üzrə biliklər – hüquqi şəxslərin qeydiyyatı, idarəetmə sənədləri, nümayəndəlik səlahiyyətləri və s.;
- Əmək qanunvericiliyi üzrə daxili sənədlərin hazırlanması, əmək münasibətlərinin hüquqi tənzimi;
- Audit və yoxlamalar zamanı hüquqi müşayiət və dövlət orqanları ilə yazışmaların aparılması təcrübəsi;
- Müxtəlif sektorlarda fəaliyyət göstərən müştərilər üçün fərdi hüquqi yanaşma və kompleks hüquqi dəstək göstərmək bacarığı.
Əmək haqqı:
- Rəqabətqabiliyyətli və razılaşma əsasında müəyyən olunur.
Əgər siz hüquqi savadı, strateji düşüncə tərzi və liderlik bacarığı ilə seçilən bir peşəkarsınızsa – sizin müraciətinizi səbirsizliklə gözləyirik!
CV-lərinizi və motivasiya məktubunuzu Müraciət et düyməsində qeyd olunan elektron poçt ünvanına göndərməyiniz xahiş olunur.