Satınalmalar üzrə köməkçi

Bilavasitə tabe olduğu instansiya: İcraçı direktor
Hesabat verdiyi instansiya: İcraçı direktor

Əmək funksiyası:

• Müəssisəyə  lazım olan kommersiya məqsədli malların alınmasına, yerli və xarici müəssisələrlə kommersiya əlaqələrinin təşkilinə, müqavilələrin bağlanması işlərinə kömək edir;
• Malların yüklənməsi, yola düşməsi tarixlərini və digər lazımi məlumatları logistika şöbəsinə təqdim edir;
• Müqavilələrin müəyyən olunmuş qaydada imzalanmasını təşkilində iştirak edir;
• Malgöndərənlər tərəfindən müqavilə öhdəliklərinə əməl olunması, müqavilə öhdəlikləri pozulduqda malgöndərənlərə qarşı iddiaların qaldırılması və onların vaxtında rəsmiləşdirilməsi işlərində iştirak edir;
• Əməkdaşlıq olunan müəssisələrlə əlaqə saxlamalı və bütün işlərə nəzarətdə iştirak edir;
• Fəaliyyəti ilə bağlı sənədlər dövriyyəsini təşkil edir;
• Daxili və xarici bazarları araşdırır, lazımi informasiyanı toplayır və tabe olduğu məsul şəxsə məlumat verir;
• Alınacaq malların sifarişini hazırlayırlanmasında və təchizat şöbəsinin rəisinə təqdim edilməsində iştirak edir;
• Sifariş verilən malın spesifikasiyasına uyğun olaraq fakturanın göndərilməsi tələbində iştirak edir;
• Sifariş olunmuş malların vəziyyəti ilə maraqlanır, onların düzgün daşınması və çatdırılması işini təşkilində və hər hansı bir maneələr olarsa rəhbərliyin məlumatlandırılmasında iştirak edir;
• Müvafiq müəssisələrdən yükləmə ilə bağlı lazımi sənədləri alır və uyğun struktur bölmələrə təqdim edilməsində iştirak edir;
• Yükləmədən sonra malların lazımi sertifikatlarının alınması üçün sənədlərin təqdim olunmasını və müddətlərinin izlənilməsinin təşkilində iştirak edir;
• Ayda bir dəfə öz vəzifə təlimatını oxumalıdır.

Səlahiyyətləri:

 

• Şirkət  rəhbərliyinin aidiyyatı  qərarları ilə tanış  olmaq;
• Şirkətin digər struktur bölmələrinin rəhbərlərindən və mütəxəssislərindən öz səlahiyyətləri çərçivəsində lazımi məlumatları və sənədləri tələb etmək.

Bilməlidir:

• Təchizat ilə bağlı milli və beynəlxalq qanunverciliyi;
• Mülki məcəllənin əsaslarını;
• Təchizat ilə bağlı hüquqi-normativ sənədləri;
• Fəaliyyəti ilə əlaqədar dövlətlərarası və beynəlxalq müqavilələri;
• Fəaliyyəti ilə əlaqədar qərarlar, əmrlər, sərəncamlar, göstərişlər və digər normativ sənədləri;
• Müvafiq qayda və təlimatları, sənədlərin kargüzarlıq proseduralarına uyğun hazırlanma qaydasını;
• Sifariş etdiyi malların növləri, standartları, texniki şərtləri, başlıca xassələri, keyfiyyət xüsusiyyətləri və onların təyinat metodikasını;
• Əməyin mühafizəsi və texniki təhlükəsizlik, yanğından mühafizə, sanitar-gigenik və mülkü-müdafiə qaydalarını;
• Texniki vasitələrin istismarı və müvafiq sənədlərlə işləmə qaydalarını bilməlidir.

Məsuliyyət:

 

• Yerinə yetirdiyi və nəzarət etdiyi işlərin vaxtında və qüsursuz yerinə yetirilməsinə görə məsuldur;
• Hazırkı təlimatla nəzərdə tutulan vəzifə borclarının yerinə yetirilməməsinə və ya düzgün icra olunmamasına görə - Azərbaycan Respublikasının qüvvədə olan əmək qanunvericiliyi çərçivəsində;
• Öz əmək fəaliyyətinin həyata keçirilməsi prosesində yol verdiyi pozuntulara görə - əmək müqaviləsinə əsasən Azərbaycan Respublikasının qüvvədə olan inzibati, əmək, cinayət və mülki qanunvericiliyi çərçivəsində;
• Maddi ziyanın vurulmasına görə - əmək müqaviləsinə əsasən Azərbaycan Respublikasının qüvvədə olan inzibati, əmək, cinayət və mülki qanunvericiliyi çərçivəsində;
• Cəmiyyətin maraqlarına riayət olunmamasına, konfidensial məlumatların yayılmasına görə - əmək müqaviləsinə əsasən Azərbaycan Respublikasının qüvvədə olan inzibati, əmək, cinayət və mülki qanunvericiliyi çərçivəsində;
• Öz səlahiyyətləri daxilində vəzifə borclarını icra edir və bu səlahiyyətlərin yerinə yetirilməsinə görə məsuliyyət daşıyır;
• Cəmiyyətin mənafelərinə zərər vura biləcək məlumatların və ya məlumat daşıyıcılarının digər şəxslərə verilməsinə görə məsuldur;
• Ona həvalə olunmuş sənədlərin və əşyaların qorunmasına görə məsuldur;
• Mövcud hüquqi aktlar əsasında və öz vəzifə təlimatında nəzərdə tutulmuş öhdəliklərinin yerinə yetirmədiyinə və şirkətə vurduğu zərərə görə Azərbaycan Respublikasının qanunvericiliyinə əsasən məsuliyyət daşıyır;
• “BUTA TRAİDİNQ” MMC-nin maraqlarının qorunmaması, müəssisə və müştərilər barədə sənədlərin (kommersiya sirrinin), məxfi məlumatın üçüncü şəxslərə açıqlanmasına görə məsuliyyət daşıyır.

Zəruri şərtlər:

 

 

• Təhsili: Ali
• İş təcrübəsi: Müvafiq sahədə 1 il 
• Xarici dil: Rus, İngilis
• Kompüter biliyi: MS Office proqramları
• Şəxsi keyfiyyətlər:
• İşi təqib etmə
• Komandada işləmək bacarığı
• Riskləri qiymətləndirə bilmə və analizetmə bacarığı
• Vaxtı düzgün idarə edəbilmə bacarığı
• Məsuliyyətlilik.