IT Menecer

1996-cı ildə əsası qoyulan Sinteks Şirkətlər Qrupu, Qafqaz və Orta Asiyanın ən böyük və uğurlu pərakəndə satış şirkətlərindən biridir. Sinteks 100-dən çox dəb, zərgərlik, parfumeriya ve kosmetika, ev əşyaları mağazalarını və 10-a yaxın kafeteriya filialını idarə edir. Şirkət lüks, premium və kütləvi bazar seqmentlərində beynəlxalq markaları təmsil edir.

Namizədlərin nəzərinə: Tələblərə diqqət yetirilməsini və CV-də müvafiq bilik və bacarıqların işarə edilməsini xahiş edirik.

Vəzifənin rolu:

İT Meneceri gündəlik İT əməliyyatlarına nəzarət edir, şirkətin İT infrastrukturunun etibarlılığını, təhlükəsizliyini və səmərəliliyini təmin edir. Bu vəzifə İT dəstəyinin idarə olunmasını, şəbəkə administrasiyasını, proqram və avadanlıqların texniki baxımını, eləcə də tədarükçülərlə əlaqələndirməni əhatə edir. İT Meneceri, biznes funksiyalarını dəstəkləmək və işin fasiləsiz davam etməsini təmin etmək üçün İT əməliyyatlarının rəvan şəkildə işləməsinə nəzarət edir.

Vəzifə öhdəlikləri:

 İT İnfrastruktur və Sistemlərin İdarə Edilməsi

• Serverlərin, şəbəkələrin və kompüter sistemlərinin saxlanılması və idarə edilməsi.
• İT infrastrukturunun optimal performansını, təhlükəsizliyini və əlçatanlığını təmin etmək.
• Sistem sağlamlığını izləmək və problemləri proaktiv şəkildə həll etmək.
• Məlumatların ehtiyat nüsxələnməsi, bərpa prosedurları və fövqəladə hallara hazırlıq planlarını nəzarətdə saxlamaq.

İT Dəstəyi və Helpdesk İdarəçiliyi

• İT dəstək heyətinə nəzarət etmək və texniki problemlərin vaxtında həllini təmin etmək.
• İşçilərə avadanlıq, proqram təminatı və şəbəkə məsələlərində texniki dəstək göstərmək.
• İT xidmət masası prosedurlarını müəyyən etmək və səmərəliliyi artırmaq üçün tətbiq etmək.
• İT aktivlərinin inventarını aparmaq və avadanlıq/proqram təminatının yerləşdirilməsini izləmək.

Şəbəkə və Təhlükəsizlik İdarəçiliyi

• Firewall-lar, VPN-lər və şəbəkə təhlükəsizliyini idarə edərək icazəsiz girişlərin qarşısını almaq.
• Kibertəhlükəsizlik təhdidlərini izləmək və qabaqlayıcı tədbirlər görmək.
• Daimi təhlükəsizlik auditləri aparmaq və İT siyasətlərinə uyğunluğu təmin etmək.
• Proqram yeniləmələri, təhlükəsizlik yamaları və müdafiə tədbirlərini tətbiq etmək.

Proqram və Avadanlıq İdarəçiliyi

• Əsas biznes proqramlarının quraşdırılması, konfiqurasiyası və saxlanılması.
• Bütün proqram təminatının düzgün lisenziyalaşdırılmasını və qaydalara uyğunluğunu təmin etmək.
• Avadanlıq dövrünü idarə etmək: alınması, texniki baxımı və utilizasiyası.
• Avadanlıq və proqram təminatı ilə bağlı problemləri həll etmək.

Satınalma İdarəçiliyi

• İT tədarükçüləri və xidmət təminatçıları ilə əlaqələrin idarə edilməsi.
• Zəruri avadanlıq, proqram təminatı və İT xidmətlərinin qiymətləndirilməsi və satın alınması.
• Xarici İT xidmət təminatçılarının müqavilə və SLA tələblərinə əməl etməsini təmin etmək.

İT Siyasətinin Tətbiqi və Uyğunluq

• Təhlükəsizlik, giriş və istifadə qaydalarına dair İT siyasətlərinin icrasını təmin etmək.
• Məlumatların qorunması qaydalarına və şirkət siyasətlərinə uyğunluğu təmin etmək.
• İşçiləri İT üzrə ən yaxşı təcrübələr və kibertəhlükəsizlik mövzusunda maarifləndirmək.

Professional biliklər:

• İT xidmətlərinin idarə olunması (ITSM) alətləri və ən yaxşı təcrübələri ilə tanışlıq.
• İT tədarükçülərinin və satınalma proseslərinin idarə olunması bacarığı.
• İT infrastrukturunun idarəçiliyi üzrə biliklər
• İngilis dili

Təhsil:

• İnformasiya Texnologiyaları, Kompüter Elmləri və ya əlaqəli sahə üzrə bakalavr dərəcəsi
• İT sahəsində müvafiq sertifikatlar və ya kvalifikasiyalar arzuolunandır

İş təcrübəsi:

• İT sahəsində ən azı 5-6 il iş təcrübəsi
• İT Menecer ve ya grup rəhbəri kimi 2 ildən az olmayan iş təcrübəsi

Professional bacarıq və səriştələr:

• İT problemlərinin həlli, avadanlıq və proqram təminatının idarə olunması üzrə praktiki təcrübə
• Liderlik 
• Problem həll etmə
• Ünsiyyət bacarıqları

Vakansiya ilə maraqlanan namizədlər CV-lərini mövzu hissəsində “IT Menecer” qeyd edərək elektron poçt ünvanına göndərə bilərlər.