Hüquq məsləhətçisi
“Azerbaijan Fish Farm” MMC hüquq komandasına qoşulmaq üçün təcrübəli və motivasiyalı Hüquq məsləhətçisi axtarır. Namizəd korporativ hüquqi dəstək və məhkəmə çəkişmələrində təcrübəyə malik olmaqla bərabər, qeyd olunan sahələrdə hüquqi düşüncəsini inkişaf etdirmək fürsəti qazanacaqdır. Bu rol dinamik mühitdə işləmək və şirkətin maraqlarının qorunmasına və inkişafına töhfə vermək üçün maraqlı fürsət təqdim edir.
Vəzifə üzrə öhdəliklər:
- Hüquqi təmsilçilik: Məhkəmə proseslərində, dövlət orqanları, inzibati orqanlar, ictimai təşkilatlar və digər üçüncü şəxslərlə qarşılıqlı münasibətlərdə Cəmiyyətin təmsil edilməsi.
- Məhkəmə və mübahisələrin həlli: İddia, etiraz, şikayət və digər hüquqi sənədlərin hazırlaması; Hüquqi mübahisələrin daimi olaraq nəzarətdə saxlanması, vaxtında və effektiv həllinin təmin edilməsi; Məhkəmədən əvvəlki müddət ərzində danışıqlar yoluyla mübahisələrin həllində iştirak.
- Korporativ hüquqi dəstək: Korporativ hüquq məsələləri üzrə hüquqi dəstək verilməsi; Hüquqi risklərin qiymətləndirilməsi və minimuma endirilməsində iştirak, Cəmiyyətin maraqlarını qorumaq üçün zəruri tədbirlərin həyata keçirilməsi.
- İnzibati sənədləşmə: Cəmiyyətin fəaliyyəti üzrə tələb olunan hüquqi təsdiqedici sənədlərin alınması üçün vaxtında müraciət edilməsi (patent, əmtəə nişanı, sertifikat, icazalər və s.), iş fəaliyyəti ilə bağlı sertifikatların və digər hüquq təsdiqedici sənədlərin alınması; Əmlak münasibətlərinin tənzimlənməsində hüquqi dəstək; Əldə edilmiş əmtəə nişanlarının, patentlərin qorunması üçün tədbirlərin həyata keçirilməsi və müddətlərin izlənilməsi.
- Müqavilələrin hüquqi ekspertizası və icraya nəzarət : Müqavilələrin, sazişlərin və onlara əlavə və dəyişikliklərin hazırlanması, layihələrin hüquqi ekspertizası, o cümlədən onların Azərbaycan Respublikasının qanunvericiliyinə, Azərbaycan Respublikasının tərəfdar çıxdığı beynəlxalq müqavilələrdən irəli gələn müddəalara və Cəmiyyətin mənafeyinə, habelə daxili qaydalara uyğun tərtib olunması; Müqavilə münasibətləri üzrə öhdəliklərdən yayınma halları baş verdikdə zəruri hüquqi müdaxilələrin edilməsi.
- Hüquqi tənzimləmə və Komplayns: Cəmiyyətin digər şöbələrinin fəaliyyətinin, habelə dövriyyədə olan sənədlərin mövcud qanunvericiliyin tələbləri və mümkün hüquqi risklər baxımından hüquqi ekspertizasının həyata keçirilməsi; Cəmiyyətin beynəlxalq sferada fəaliyyəti ilə əlaqədar hüquqi dəstəyin verilməsi, idxal-ixrac əməliyyatlarının qanunvericiliyin tələblərinə müvafiq aparılmasının təmini.
- Digər hüquqi öhdəliklər: Hüquq məsələləri üzrə birbaşa rəhbər tərəfindən vaxtaşırı verilə biləcək digər tapşırıqların yerinə yetirilməsi.
Vəzifə üzrə tələblər:
- Hüquq üzrə bakalavr/magistr dərəcəsi;
- Hüquq sahəsində minimum 1 il iş təcrübəsi;
- Danışıqlar aparmaq və hüquqi yazı bacarıqları;
- Yüksək səviyyədə vaxt idarəetmə, təşkilatçılıq və problem həll etmə bacarıqları;
- Detallara diqqət yetirmək və komanda daxilində əməkdaşlıq etmək bacarığı;
- MS Office proqramında işləmə bacarığı;
- Azərbaycan qanunvericiliyini (Mülki, inzibati, kommersiya, əmək və s.) təfsir etmə bacarığı;
- Azərbaycan dili – mükəmməl;
- İngilis dili - əla;
- Rus dili – arzuolunandır.
İş şəraiti:
- Az'rbaycan Respublikas; Əmək Məcəlləsinə əsasən sənədləşmə
- İş vaxtı: 5 günlük, istirahət günü: şənbə, bazar
- İş yeri: Bakı şəhəri
- Əmək haqqı: Müsahibə əsnasında müəyyən olunacaqdır.
Maraqlanan namizədlər öz CV-lərini və ixtisas, təcrübə və müvafiq sahə üzrə karyera planlarını əks etdirən motivasiya məktubunu “Hüquq məsləhətçisi” başlığı ilə hr@azfish.az ünvanına 25.10.2024-cü il tarixinə qədər təqdim edə bilərlər. Zəhmət olmasa müraciətinizdə bu vakansiyanın tələblərinə və vəzifə öhdəliklərinə necə cavab verdiyinizi aydın şəkildə göstərdiyinizdən əmin olun.