Satış meneceri

“PAŞA Technology” Məhdud Məsuliyyətli Cəmiyyət (“PAŞA Technology” və ya “PAŞA Technology” MMC) İT xidmətlər provayderi olaraq 2018-ci ildə yaradılıb. "PAŞA Technology"-nin məqsədi "PAŞA Holding” MMC-nin törəmə şirkətləri üçün İT xidmətləri, "Cloud Computing", kiber təhlükəsizlik əməliyyatları və məlumatların emalı mərkəzinin idarə edilməsi xidmətlərini təmin etməkdir. Hal-hazırda “PAŞA Technology” MMC “Satış meneceri” vəzifəsi üzrə vakansiya elan edir.

Əsas öhdəliklər:

• Potensial müştərilərin cəlb olunmasından müqavilələrin bağlanmasınadək bütün satış prosesinə nəzarət etmək;
• Fasiləsiz fəaliyyəti təmin etmək üçün marketinq, istehsalat və texniki komandalarla sıx əməkdaşlıq etmək;
• Müştərilərlə müqavilə şərtlərini və qiymətləri razılaşdırmaq;
• Yeni layihə və müqavilələr üçün tender prosesini ümumilikdə idarə etmək və izləmək;
• Müştərilərin təklif sorğularına (RFP) müfəssəl və dolğun tender təklifləri hazırlamaq və təqdim etmək;
• Lazımi məlumatları toplamaq və veriləcək təklifin müştərinin tələblərinə cavab verməsini təmin etmək məqsədilə şirkətdaxili komandalarla əməkdaşlıq etmək;
• Tenderin nəticələrini izləmək və müştərilərlə opertaiv kommunikasiyanı təmin etmək;
• Müştərilərlə proqram təminatına dair lisenziya müqavilələrinin icrasına nəzarət etmək;
• Şirkətin bulud məhsulları və xidmətləri barədə dərin biliklərə yiyələnmək;
• İcazəsiz istifadənin qarşısını almaq və müqavilə öhdəliklərinə əməl olunmasını təmin etmək üçün lisenziyalı proqram təminatının istifadəsi üzərində nəzarəti və monitorinqi həyata keçirmək;
• Lisenziyaları yeniləmək və lisenziya ilə bağlı yaranan istənilən problemi həll etmək üçün müştərilərlə işləmək;
• Cari və potensial müştərilərlə güclü, davamlı əlaqələr qurmaq;
• Mövcud müştərilərlə yeni biznes imkanlarını müəyyən etmək və yeni müştərilər cəlb etmək üçün müvafiq strategiya işləyib-hazırlamaq;
• Müştərilərin problemlərini həll etmək və müştəri məmnuniyyətini təmin etmək;
• Müştərilərdən ödənişlərin vaxtlı-vaxtında toplanmasını təmin etməklə ödənilməmiş debitor borclarını minimuma endirmək;
• Debitor borclarını izləmək və vaxtı keçmiş ödənişlərə nəzarət etmək üçün maliyyə komandası ilə sıx əməkdaşlıq etmək;
• Pul vəsaitlərinin hərəkətini yaxşılaşdırmaq və ödənişlərdə gecikməni azaltmaq üçün müvafiq strategiyalar tətbiq etmək;
• Müştərilərlə yarana biləcək hesablaşma ilə bağlı hər hansı mübahisələri və ya problemləri həll etmək;
• Şirkətin məhsul və xidmətlərini effektiv şəkildə təqdim etmək üçün bazar ilə bağlı analitik məlumatlardan istifadə etmək.

Tələb olunan bilik və bacarıqlar:

• Ali təhsil;
• İT xidmətləri haqqında anlayışın olması;
• MS Office proqramları ilə işləmə bacarığı;
• Datacenter mühitində və Tier standartları barədə biliklər üstünlükdür;
• Bulud modelləri, Bulud məhsulları və Bulud məlumat təhlükəsizliyi barədə biliklərə sahib olmaq üstünlükdür;
• CRM proqramı və digər satış alətləri ilə işləmək bacarığı;
• Güclü satış bacarığı;
• Təşəbbüskar olmaq;
• Təqdimat bacarıqları;
• Danışıqlar aparmaq və ünsiyyətqurma bacarığı;
• Vaxtın və stressin effektiv idarə olunması bacarığı;
• Məsuliyyətlilik, dəqiqlik, diqqətlilik, planlama və təşkilatçılıq qabiliyyəti;
• Komandada işləmə bacarığı;
• Peşəkar səviyyədə yazılı və şifahi ünsiyyət bacarığı;
• Məntiqi və analitik düşünmə tərzi.

Təcrübə

• İT məhsulları və İT xidmətləri satışı üzrə 3-5 il təcrübə;
• Azərbaycan, Rus və İngilis dilində səlis danışıq.

Son müraciət tarixi: 27 Senyabr 2024-cü il. Müraciət etmək istəyən namizədlər vakansiyanın adını “mövzu” bölməsində qeyd etməklə CV-ni talents@pasha-technology.com ünvanına göndərə bilərlər. İşə qəbul prosesinin növbəti mərhələsi üçün vakansiyanın tələblərinə cavab verən namizədlərlə əlaqə saxlanılacaq.