Korroziya üzrə mühəndis
Vəzifənin məqsədi
SDM-ə tabe olan bütün obyektlərində statik avadanlıqların etibarlılıq fəaliyyətini həyata keşirir .
SDM-in etibarlılıq göstəricilərinə və hədəflərinə uyğunluğun monitorinqini aparır və etibarlılıq inkişaflarını müəyyən etmək və həyata keçirmək üçün Korroziya Menecerə dəstək verir.
Vəzifə öhdəlikləri
- Texnoloji proseslər üçün korroziyaya nəzarət sənədini (Corrosion Control Document) hazırlamaq;
- Risk Əsaslı Təftiş (RBI) tədqiqatlarında iştirak etmək;
- SDM-in Neft-Kimya Sənayesinə tabe olan bütün müəssisələrin korroziya monitorinqi (Korroziya kuponlarından/problardan istifadə edərək) və korroziyanın qarşısının alınması (Katodik Mühafizə, boyama, kimyəvi inhibitor, korroziyaya davamlı material seçimi-CRA) ilə bağlı bütün fəaliyyətlərində iştirak etmək;
- SDM-in Neft-Kimya Sənayesinin Bütünlük və Etibarlılıq Departamenti tərəfindən müəyyən edilmiş aparıcı fəaliyyətlər göstərmək;
- Korroziya dövrlərini və korroziya (zərər) mexanizmlərini icra etmək;
- Risklərin müəyyən edilməsi,qiymətləndirilmək və hesabat vermək;
- Mövcud qanunvericilik aktlarına,sənayenin qabaqcıl təcrübələrinə, qaydalarına, rəhbər sənədlərinə, kodekslərə və standartlara uyğun olaraq, düzgün fəaliyyətin həyata keçirilməsində korroziya üzrə dəstək olmaq, müvafiq qeydlərin düzgün aparılmasını təmin etmək və yoxlamalarda təqdim etmək, bu işlər üzrə inkişaf sahələri ilə bağlı təkliflər vermək;
- Müəyyən edilmiş korroziyaya nəzarət fəaliyyətlərinin düzgün icra edilməsini təsdiqləmək;
- Qurğu, avadanlıq və boru xətlərindəki sızmaların araşdırılmasında fəal iştirak etmək;
- Aylıq korroziya hesabatını hazırlamaq və rəhbərə təqdim etmək;
- Texniki nəzarət işlərindən sonra yaradılmış, təklif və nəticələri özündə əks etdirən hesabatların təhlilinə və zəruri təkmilləşdirmə tədbirlərinin müəyyənləşdirilməsinə dəstək vermək;
- Korroziyaya qarşı mübarizə tədbirlərinin nəticələrinə görə müvafiq şöbələri məlumatlandırmaq;
- Texniki nəzarətdən və sınaq planlarından kənara çıxan obyektlər üçün nəticənin və təsir mexanizmlərinin araşdırılmasında iştirak etmək;
- Əsas səbəblərin analizi, təhlili və sazlama təhdiqatlarında yaxından iştirak etmək, bu barədə ətraflı hesabatın hazırlamasında fəal iştirak etmək;
- Planlı Dayanma Şöbəsi ilə əlaqəli işləmək və dayanma zamanı həyata keçiriləcək texniki nəzarət tədbirlərinin müəyyən edilməsinə dəstək vermək;
- Lazım gəldikdə ACA, RCM, HAZOP, SIL, 5WHY, RCA, və s. işçi qruplarda fəal iştirak etmək;
- SDM-in Neft-Kimya Sənayesinə tabe olan bütün müəssisələrin korroziya monitorinqi və korroziyanın qarşısısnın alınması ilə bağlı bütün fəaliyyətlərində iştirak etmək;
- Avadanlıq və xətlərin Korroziyaya Nəzarət Zonalarının KNZ (CML) müəyyən edilməsinə, nəzərdən keçirilməsinə və inkişafına dəstək vermək,Texniki Nəzarət şöbəsinin məlumatlarının toplanmasında iştirak etmək;
- SDM-in Neft-Kimya Sənayesinin SƏTƏMM (İSG) tələbləri və hədəfləri barədə məlumatlı olmaq, işçi heyəti və subpodratçıları buna uyğun istiqamətləndirməsinə kömək etmək, məsul olduğu ərazidə bədbəxt hadisələrin qarşısının alınması məqsədilə qüvvədə olan İSG qaydalarına riayət olunması üçün zəruri nəzarət həyata keçirmək və aidiyyəti işçilərə xəbədarlıq etmək;
- Korroziya ilə bağlı məsələlərdə müstəqil qərar qəbul etmək;
- Şirkətin siyasətinə, missiyasına, onun baxışına, korporativ dəyərlərinə, hüquqi və digər tələblərinə, habelə şirkətin etik norma və qaydalarına, təlimatlarına, strategiyasına və məqsədlərinə uyğun fəaliyyət göstərmək: bunların tabeliyində olan işçilər tərəfindən qəbul edilməsini və yayılmasını təmin etmək;
- Əməyin mühafizəsi, təhlükəsizlik texnikası və ətraf mühit mədəniyyətinə uyğun davranmaq, əməyin mühafizəsi və təhlükəsizlik texnikası qaydalarına riayət etmək, uyğunsuzluq aşkar edildikdə rəhbər vəzifədə olan şəxsə və SƏTƏMM (İSG) üzrə səlahiyyətli işçilərə məlumat vermək;
Tələblər
- Korroziya üzrə ali texniki təhsil;
- Müvafiq sahə üzrə 3 ildən az olmayaraq iş stajı;
- Azərbaycan Respublikasının qanunlarını, qaydalarını, qüvvədə olan qaydaları, rəhbər sənədləri, təlimatları və qabaqcıl Beynəlxalq(NACE, ASME, API, ASTM, API-571, API-580, APİ-581, API-570 və API-510) standartları bilmək.
İş yeri: Sumqayıt şəhəri
Müraciət forması:
Qeyd edilmiş linkə keçid edərək müraciət edə bilərsiniz.
Son müraciət tarixi: 10.08.2024